87% Pinoys natatakot tamaan ng COVID – SWS
MANILA, Philippines — Nababahala ang mayorya sa mga Filipino na tamaan ng coronavirus disease 2019 o COVID-19, batay sa pinakahuling survey ng Social Weather Stations (SWS).
Sa COVID-19 Mobile Phone Survey, lumabas na 87 porsyento ng mga Pilipino ay nangangamba na mahawa ang sinumang kaanak ng COVID-19.
Sa nasabing bilang, 73 porsyento ang “worried a great deal” habang 14 porsyento naman ang “somewhat worried.”
Labintatlong porsyento naman ang nagsabi na hindi nababahala na maaapektuhan ng COVID-19 pandemic kung saan pitong porsyento ang “worried a little” at pitong porsyento rin ang “not worried.”
Kumpara sa mga naunang isinagawang survey, mas mataas ang bilang ng mga Filipino na may pangamba na magpositibo sa COVID-19 kumpara sa mga sumusunod na sakit: Ebola noong 2014; Swine Flu noong 2009; Bird Flu noong 2006 at 2004; at Severe Acute Respiratory Syndrome (SARS) noong 2003.
Lumabas sa survey na mas maraming residente sa Metro Manila ang nababahalang madapuan ng nakakahawang sakit na may 93 porsyento at sa Visayas na may 91 porsyento kumpara sa Mindanao na may 85 porsyento at Balance Luzon na may 84 porsyento.
Mas mataas din ang nababahalang Filipino ukol sa COVID-19 kumpara sa mga Britons, Australians, at Americans, base sa kaparehong survey.
- Latest
