Ex-tanod na nagnakaw ng gatas para sa anak, itinumba
MANILA, Philippines — Inaalam pa ng pulisya kung may kaugnayan ang pagpatay sa isang dating barangay tanod sa ginawa nitong pagnanakaw ng gatas para sa anak noong nakaraang buwan matapos na siya ay pasukin sa bahay at pagbabarilin kamakalawa ng gabi sa Quezon City.
Ang biktima na namatay noon din ay nakila-lang si Arsenio Guzman Jr., nasa hustong gulang, dating barangay tanod at construction worker na nakatira sa Barangay Holy Spirit, Quezon City.
Sa ulat, alas-10:00 ng gabi ay matutulog na sana ang biktima nang pasukin siya ng apat na hindi pa nakikilalang lalaki at pinuwersa palabasin ng bahay.
Nagpumiglas ang biktima kaya’t agad na pinagbabaril sa ulo at katawan na nagresulta ng agaran niyang kamatayan.
Hindi namukhaan ng mga kaanak ang mga salarin, na pawang mga nakasuot ng face mask.
Patuloy ang imbestigasyon ng pulisya sa tunay na motibo ng pagpatay sa biktima.
- Latest