Modified checkpoints mababawasan ang trapik ng sasakyan

MANILA, Philippines — Para umano mabawasan ang masikip na daloy ng trapiko ay naniniwala ang Joint Task Force Corona Virus Shield (JTF CV Shield)  na malaking tulong ang pagsasagawa ng modified checkpoints sa Metro Manila at iba pang urban areas sa bansa.

Sinabi ni JTF CV Shield commander, Lt. Gen. Guillermo Eleazar sa ipinatupad na pagba-bago sa community qua-rantine dumagsa ang mga sasakyan sa iba’t ibang  lugar sa Metro Manila at hindi na naipatutupad ng maayos ang checkpoints dahil sa nagreresulta ito ng  pagdami ng sasakyan at pagsisikip  ng kalsada.

Layon ng hakbang na ito na maiwasan ang mahabang pila ng sasakyan sa quarantine control points (QCPs).

Sa ngayon ay may mahigit 4,000 QCPs ang naka-set up sa buong bansa sa gitna ng banta ng coronavirus disease 2019.

Sa modified checking, tuluy-tuloy ang pagpapadaan ng mga sasakyan  at magiging itutuloy ang paghihigpit kung normal na ang sitwasyon.