Baragay chairman, tatlo pa na lumabag sa quarantine, inaresto
MANILA, Philippines — Inaresto ng mga otoridad ang isang barangay chairman at tatlong nitong pamilya na galing sa Cavite matapos labagin ang kanilang 14 days quarantine sa Lemu, Enrile, Cagayan, kamakalawa.
Ang mga inaresto ay kinilalang sina Marcelo Mabboran, 63, chairman ng barangay Lemu; misis nitong si Vilma, 61, anak na si Catherine Engaran, 29; at utol na si Rito, 16.
Sa ulat, isinumbong ng mga residente sa pulisya ang paggala ng nasabing pamilya sa kanilang lugar gayung hindi pa nila tapos ang 14 days quarantine dahil sa kauuwi lang nila noong Sabado mula sa Cavite.
Sinampahan ng kasong kriminal ang apat dahil sa paglabag sa RA 11332 bago dinala ang mga ito sa isang health facility ng gobyerno sa Barangay Roma upang bunuin ang kanilang dagdag quarantine.
- Latest
