234 pulis na ang positibo sa COVID
MANILA, Philippines — Pumalo na sa 234 personnel ng Philippine National Police (PNP) ang nagpositibo sa coronavirus disease 2019 (COVID-19).
Ito ang kinumpirma ng PNP kung saan 69 na ang nakarekober habang apat na ang nasawi.
Naitala na rin ng PNP ang nasa 705 probable COVID-19 case habang 540 pa ang nakalista bilang suspected case.
Naglaan na ang PNP ng mga isolation facilities sa loob ng Camp Crame para sa mga personnel na kailangang mag-self quarantine.
Una nang sinabi ni PNP chief P/General Archie Francisco Gamboa na hindi kailangang isailalim ang Camp Crame sa lockdown sa kabila ng pagtaas ng bilang ng kaso ng COVID-19 cases sa kanilang hanay.
- Latest