3 Chinese, 3 Pinoy huli sa illegal POGO ops
MANILA, Philippines — Tatlong Chinese nationals at tatlong Pinoy ang dinakip ng mga tauhan ng Special Mayor’s Reaction Team (SMaRT) sa ilegal na pagpapatakbo ng online gambling sa isang unit ng condominium tower na ilang hakbang lamang sa Manila City Hall kamakalawa ng hapon.
Nahaharap sa patung-patong na paglabag ang mga suspek na kinilalang sina Li Nong Dong, 32, Mandy Liu, 26, (babae) at Josie Wang, 30 (babae) pawang residente ng nasabing condo; Mark Anthony Mauhay, 34, payment specialist, ng 18 BMA Tatalon, Quezon City; Neil Clerigo, 23, game encoder, ng Brgy. Langgam, San Pedro, Laguna; at Angelo Flores, 33, game encoder ng 1793 A Tramo St., Pasay City.
Sa ulat sa tanggapan ni P/Major Rosalino Ibay, hepe ng SMaRT, alas-2:30 ng hapon ng Biyernes nang salakayin ang Room 503 ng Zen Tower Condominium, sa N.Lopez St., Ermita, Maynila na nagresulta sa pagkaaresto ng mga suspek.
Sinamsam sa lugar 12 CPU monitors, 8 unit ng CPU, P1,484,380.00 cash at 20 pirasong US$1.00.
- Latest
