Gen. Sinas, 18 pang PNP officials sa ‘birthday party’ kinasuhan
MANILA, Philippines — Sinampahan na kahapon ng kasong kriminal si National Capital Region Police Office (NCRPO) director P/Major General Debold Sinas at 18 pang opisyal kabilang ang limang police generals at miyembro ng NCRPO kaugnay sa kontrobersiyal niyang “birthday party” na tinawag nitong “mañanita” noong Mayo 8 sa loob ng NCRPO headquarters sa Camp Bagong Diwa sa Taguig City.
Nabatid na sa pamamagitan lang ng electronic filing, naisampa ang kaso sa Taguig Prosecutor’s Office ng Philippine National Police-Internal Affairs Service (PNP-IAS), kung saan nahaharap si Sinas at 18 pang opisyal na dumalo sa naganap na mañanita at salu-salo.
Kasama ni Sinas bilang respondents sina P/Brig. Gen Ildelbrandy Usana, P/BGen. Gerry Galvan, P/BGen. Florencio Ortilla, P/BGen. Florendo Quibuyen, P/BGen. Nicolas Bathan, P/Corporal’s Bernie Lazaga, Abdumar Bakit, P/Maj. Britz Sales, P/Major Epream Paguyod, P/Lt. Col. Orlando Carag, P/Col. Maniel Abrugena, P/Col. Ferdinand Ortega, P/Col. Rodel Pastor, P/Col. Tomas Frias, P/Col. Emmanuel Peralta, P/Col. Raul Tacaca, P/Col. Remus Medina at P/Col. Eliseo Tanding,
Sa memorandum ng PNP-IAS, ang mga respondents ay lumabag sa Republic Act No. 11332 o ang “Mandatory Reporting of Notifiable Diseases and Health Events of Public Health Concern Act” at sa Taguig city Ordinance kaugnay sa physical distancing.
Nahaharap din sa “less grave neglect of duty” ang mga respondents sa PNP-IAS dahil sa pagsuway sa enhanced community qua-rantine (ECQ) protocol.
- Latest
