Bank manager, 2 pa arestado sa drug bust
MANILA, Philippines — Naaresto ng mga otoridad ang tatlong katao, na kinabibilangan ng isang bank manager sa isang buy-bust operation sa Quezon City kamakalawa ng gabi.
Kinilala ang naarestong mga suspek na sina Robby Cas, 34, bank manager, ng San Andres, Manila; Rodolf John Lazaro, 28, college student, at Mark Anthony Estillore, 36, motorcycle food delivery service crew, kapwa residente ng Parañaque City.
Bago naaresto ang mga suspek, alas-10:30 ng gabi sa 18th Avenue kanto ng P.Tuazon Blvd., Brgy. San Roque, Murphy, Quezon City ay nakatanggap ng tip ang mga pulis mula sa isang confidential informant hinggil sa pagbebenta ng ilegal na droga ng mga suspek.
Nagsagawa ng drug buy-bust operation ang mga pulis na nagresulta sa pagkaka-aresto ng mga ito at nakumpiska mula sa kanila ang apat na plastic sachet ng shabu na nagkakahalaga ng P24,500, dalawang cellular phones at buy-bust money.
- Latest
