DOTr nilinaw ang pagbabawal sa mga senior at buntis na sumakay ng tren
MANILA, Philippines — Nilinaw ng Department of Transportation (DOTr) ang guidelines sa pagsakay sa mga tren kapag ipinatupad na ang limited operations.
Ayon kay Transport Assistant Secretary for Communications Goddes Libiran, hindi naman totally bawal sumakay ang mga senior citizen, buntis at mga nasa edad 21 pababa sa mga tren tulad sa MRT, LRT at PNR.
Bagama’t pinapayuhan anya ang mga senior na manatili sa loob ng kanilang mga bahay, naglabas naman ng exception ang Inter-Agency Task Force.
Nakasaad kasi sa guidelines na kailangang manatili sa loob ng kanilang mga bahay ang mga senior citizen maliban na lamang kung kinakailangan ng pagkakataon.
Kabilang na rito, ang mga walang maaaring utusan at kailangang bumili ng essential goods tulad ng gamot at makapagtrabaho sa mga industriya na pinapayagang mag-operate.
Ang mga nasa edad 21 pababa, buntis at may karamdaman ay bawal ding lumabas ng bahay pero maaaring lumabas kung bibili ng mga essential goods o kailangang magtrabaho.
- Latest
