Suplay ng tubig sa Metro Manila sapat hanggang Hunyo
MANILA, Philippines — Kahit na patuloy ang pagbaba ng water level sa Angat Dam dulot ng nararanasang mainit na panahon at walang pag-ulan sa may water shed ng dam ay sapat ang suplay ng tubig sa Metro Manila hanggang sa buwan ng Hunyo.
Ito ang sinabi ni National Water Resources Board (NWRB) Executive Director Sevillo David Jr., dahil sapat pa ang tubig sa Angat Dam na nagsusuplay ng 90% sa pangangailangan ng mga taga Metro Manila.
Ang Angat dam ang nagsusuplay ng 90 percent ng tubig sa MM.
“Ang mga dam natin partikular po ang Angat Dam ay bumaba pa rin po ang lebel dahil nga po mainit ang panahon.Inaasahan natin na bababa pa rin siya,” sabi ni David.
Sa latest water level sa Angat Dam ay umaabot sa 189.3 meters kaya’t matutugunan pa nito ang pangangailangan sa tubig ng Metro Manila kahit walang nararanasang pag-ulan sa mga watershed ng dam.
- Latest