Mag-ama, 1 kasama, natagpuang patay

MANILA, Philippines — Hinihinalang namatay sa sobrang kalasingan ang tatlong katao kabilang ang isang mag-ama sa labas ng kanilang bahay sa Brgy. Bukluran 1, Silang, Cavite, kamakalawa.

Ang mga natagpuang patay ay kinilalang sina Alejandro Brosas, 59; anak nitong si Charlie Brosas, 34, kapwa residente ng barangay at isang kasama na inaalam pa ang pagkaka­ kilanlan.

Sa ulat, alas-8:20 ng umaga nang madiskubre ang katawan ng mga biktima na nakabulagta sa mismong bahay ng mag-amang Brosas at nakita sa paligid ang mga bote ng alak.

Walang nakita na anumang sugat ang tatlo o may naganap na foul play maliban sa hinalang namatay ang mga ito sa kalasingan.