Duty ng mga frontliners inirekomendang iklian
MANILA, Philippines — Inirekomenda ng mga Chinese experts na dapat iklian ang duty ng mga frontliners upang mabawasan ang posibilidad na mahawa sila sa coronavirus disease 2019.
Ito ang inihayag kahapon ni Presidential Spokesperson Harry Roque sa gitna ng ulat na umaabot na sa 1,062 health workers ang infected sa bansa.
Inamin ni Roque na ikinababahala rin ng gobyerno ang pagkakasakit ng mga health wor-kers kung saan mahigit 20 na ang nasawing doktor.
“Talagang nababahala ang gobyerno dahil kung magkakasakit sila, sinong mag-aalaga sa atin?” tanong ni Roque.
Kaya dadamihan pa ang magagamit na personal protection equipment (PPEs) ng mga health workers at hihigpitan ang protocol sa infection control.
Nauna rito, inanunsiyo ng Department of Health ang pagkuha ng mga karagdagang mga health workers sa gitna na nararanasang problema sa COVID-19.
- Latest