P8.3 milyon puslit na sigarilyo nasabat
MANILA, Philippines — Nasabat ng mga tauhan ng Bureau of Customs sa Zamboanga City ang nasa P8.3 milyong halaga ng sigarilyo na tinangkang ipuslit nitong nakaraang Martes.
Bago ito ay nakatanggap ng impormasyon ang BOC-Zamboanga ukol sa isang bangka na buhat sa Jolo, Sulu at dadaong sa Zamboanga City na puno ng sigarilyo kaya’t ikinasa ang operasyon at nasabat ang bangkang MJ NR4 sa dagat na sakop ng Brgy. Lower Calarian, Zamboanga City.
Nadiskubre na laman ng bangka ang 300 master cases ng iba’t ibang imported na brand ng sigarilyo na may halagang P8,275,000.
Ang mga kargamento ay isinailalim sa Warrant of Seizure and Detention dahil sa kawalan ng permiso buhat sa National Tobacco Administration (NTA) habang sasampahan ang mga nadakip na tauhan ng bangka sa mga paglabag sa Customs Law.
- Latest