40 katao sa Isabela lumabag sa ECQ, arestado
MANILA, Philippines — Inaresto ng pulisya ang nasa 40 katao na lumabag sa ipinatutupad na enhanced community quarantine (ECQ) matapos maaktuhang nag-iinuman at nagpipiknik sa ilog sa bayan ng Tumauini, Isabela habang ginugunita ang Mahal na Araw.
Ayon sa pulisya, umabot sa 13 katao na kinabibilangan ng anim na menor-de-edad ang nahuli sa Barangay Balug; lima sa Barangay San Mateo; apat sa Barangay Antagan 1st at 15 sa Barangay Namnama ang dinakip nitong araw ng Sabado at Linggo. Sila ay nahaharap sa kaukulang mga kaso.
Karamihan sa mga inaresto ay nagpipiknik habang nag-iinuman sa kahabaan ng Pinacanauan at Magoli River sa kabila ng mahigpit na pagpapatupad ng ECQ bunsod ng COVID-19 pandemic.
- Latest