Singil sa kuryente tataas ngayong Abril
MANILA, Philippines — Dahil sa umano’y epekto ng universal charge, magpapatupad ang Manila Electric Co. (Meralco) ng 10 sentimo kada kilowatt hour (kwh) na dagdag-singil sa kur-yente ngayong Abril.
“The slight adjust-ment this month is not due to an increase in the cost of producing and delivering electricity, but mainly due to the Universal Charge returning to its normal level following a one-time refund of P0.1453 per kWh in Universal Charge-NPC Stranded Contract Costs (UC-SCC),” ayon sa Meralco.
Dahil naman sa dagdag-singil, ang dating electricity rates na P8.8901 kada kwh noong Marso ay naging P8.9951 kada kwh na ngayong Abril.
Katumbas ng naturang dagdag-singil ay P21 na karagdagang bayarin para sa mga tahanang kumukonsumo ng 200 kwh kada buwan; P31.50 para sa mga nakakagamit ng 300 kwh; P42 naman sa mga tahanang kumukonsumo ng 400 kwh at P63 para sa mga household na nakakagamit ng 500 kwh kada buwan.
Bunsod naman ng umiiral na enhanced community quarantine (ECQ), mayroon pa ring 30-day payment extension sa pagbabayad ng Meralco bill ang kanilang mga kustomer.
- Latest
