Duterte sususpindihin ang mga namumulitika sa relief goods

MANILA, Philippines — Nagbabala si Pangulong Rodrigo Duterte na ipaaaresto ang mga corrupt na opisyal at umaabuso sa tungkulin sa pamamahagi ng tulong para sa mamamayan.

Sa kanyang pahayag sa publiko, sinabi ng Pa­ngulo na makukulong ang sinumang matutuklasan na hinahaluhan ng pulitika ang distribusyon ng relief goods.

“I told them: Not now. Don’t cheat, steal, and keep food [that is intended for the public] and not distribute it to some. Because you know, people sometimes think that they own whatever they receive from the government. This is not yours. Neither is it mine,” ayon sa pangulo

Babala ng Pangulo kung malalaman niyang may namumulitika pa rin sa kasalukuyang sitwasyon ng bansa, papatawan niya ng suspensyon ang mga ito.

Para naman sa mga ibinubulsa ang perang dapat na ipangtulong sa publiko, siniguro ng pangulo na ipakukulong sila.