DA at DTI parurusahan ang market retailers na hindi susunod sa SRP
MANILA, Philippines — Parurusahan ang mga market retailers na mapapatunayang hindi sumusunod sa itinakdang suggested retail price (SRP) sa mga panindang agri-fishery products.
Ito ang naging babala nina Agriculture Secretary William Dar at Trade and Industry Secretary Ramon Lopez na kung sakaling mahuli na hindi gamit ang SRP ay agad padadalhan ng “Notice of Violation’. Sasagutin ito sa loob ng 48 oras at kung hindi ay mapipilitang maisara ang tindahan.
Nanawagan si Dar sa mga suppliers at retailers na makipagtulungan na lamang ngayong panahon ng krisis at huwag tataasan ang presyo ng bilihin para makinabang ang lahat ng mamamayan.
Iginiit din nina Secretary Dar at Lopez sa mga local chief executives at market masters sa Metro Manila at iba pang urban areas sa bansa na buhayin ang kani-kanilang Local Price Coordination Council (LPCC) para mamonitor ang pagtupad ng mga market retailers sa SRP.
- Latest