AFP chief nagpositibo sa COVID-19
MANILA, Philippines — Kinumpirma ni Defense Secretary Delfin Lorenzana na nagpositibo sa COVID-19 ang chief of staff ng Armed Forces of the Philippines (AFP) na si Gen. Felimon Santos Jr.
Ayon kay Lorenzana na kahapon ay ipinaalam sa kanya ni Gen. Santos na siya ay posItibo sa sakit matapos makuha nito ang resulta ng kanyang COVID-19 test noong Huwebes.
Una nang nag-self quarantine si Gen. Santos matapos ihayag ng isang senior military official at ang misis nito na sila ay nagpositibo sa COVID-19.
Simula kahapon ay nag-self quarantine na rin si Lorenzana dahil dalawang beses niyang nakasalamuha si Santos matapos ang ginanap na turnover ng medical supplies sa Villamor Air Base noong Linggo ng hapon at ikalawa ay noong Lunes ng hapon sa general headquarters (GHQ).
Wala namang nararamdaman na sintomas si Lorenzana subalit kailangan niyang mag-self quarantine sa loob ng 14 araw.
- Latest
