DENR: Kalidad ng hangin sa NCR bumubuti

MANILA, Philippines — Kinumpirma ng Department of Environment and Natural Resources (DENR) ang pagganda ng kalidad ng hangin sa Metro Manila.

Ito ay kasunod ng isang linggo nang pag-iral ng enhanced community qua­rantine sa buong Luzon.

Sa inilabas na datos ng DENR-NCR, alas-8:00 ng umaga kahapon ay maayos ang kalidad ng hangin sa maraming lungsod sa NCR.

Good umano ang air quality sa Marikina, Ma­labon, San Juan, Pasay, Taguig at Paranaque City.

Habang moderate/fair naman sa North Caloocan, Pasig, Makati at Las Pinas City.

Ito ay bunsod ng kakaunting sasakyan na bumibiyahe dahil sa suspensyon ng klase at pasok sa trabaho.