Rolbak sa diesel, gasolina
MANILA, Philippines — Nagpatupad ng panibagong rollback sa gasolina at diesel ang kumpanyang Phoenix kahapon ng umaga.
Sa anunsiyo ng Phoenix, nasa P2.00 kada litro ang bawas ng kanilang diesel habang P3.00 naman kada litro sa gasolina na epektibo ng alas-6:00 ng umaga kahapon.
Samantala, mayroon ding parehong halaga ng rollback sa produktong petrolyo ang kumpanyang CleanFuel na epektibo naman ngayong Linggo, Marso 22 ng alas-4:01 ng hapon.
Inaasahan naman ang ilan pang kumpanya ng langis na magbaba rin ng kahalintulad na halaga na ipinataw ng Phoenix Petroleum. Karamihan sa mga kumpanya ng langis tuwing Martes ay ipinatutupad ang oil price adjustment, subalit ngayon pa lamang ay nauna nang nagbaba ng presyo ang nasabing kumpanya.
- Latest