State of calamity idineklara sa Quezon City
MANILA, Philippines — Dahil sa banta ng COVID-19 ay idineklara ni Quezon City Mayor Joy Belmonte ang lungsod sa state of calamity na kung saan ay nasa lima na ang positibo sa virus.
Ang pahayag ay ginawa ni Mayor Belmonte nang ilagay ni Pangulong Rodrigo Duterte ang Metro Manila sa ilalim ng community quarantine.
Ang pagdedeklara anya ng state of calamity ay batay sa ginawang pagpasa ng QC Council sa rekomendasyon ng QC Disaster Risk Reduction Council na maideklara ito dahil sa COVID-19.
Dahil sa deklarasyon, ang gobyerno ay magagamit ng mabilisan ang pondo ng lokal na pamahalaan para dito.
Binigyang diin ni Belmonte na mahalaga ang deklarasyon upang higit na magtulungan ang lokal na pamahalaan at ang may 142 barangay sa pagtugon sa anumang hakbang at pag-iwas sa virus tulad ng disinfection ng barangays, monitoring ng mga persons under monitoring (PUMs) at persons under investigation (PUIs), at paglalagay ng isolation rooms at iba pa.
- Latest