Itinapon na sanggol, kinain ng aso
MANILA, Philippines — Isang bagong silang na sanggol ang natagpuang gutay ang katawan matapos itong kainin ng aso sa damuhan na kung saan ito itinapon kamakalawa ng gabi.
Sa ulat, pasado alas-6:00 ng gabi ay nakita ni Brgy. Kagawad Virgilio Dorado na pabalik-balik ang mga aso sa likod ng health center ng Brgy. Onica, Kidapawan City.
Nang ito ay kanyang puntahan ay tumambad sa ang bagong luwal na sanggol na nagkalasog- lasog na ang katawan dahil sa kinain na ng mga aso.
Malaki ang paniniwala ng mga opisyal ng barangay na tagaroon lamang ang ina ng bata na nagtapon sa sanggol.
Magsasagawa ang barangay ng pagsisiyasat at documentation sa lahat ng mga buntis sa kanilang lugar upang mabatid kung sino ang ina ng natagpuang patay na sanggol.
- Latest