Palayan City nagbigay ng Nihonggo scholar
200 trabaho naghihintay sa Japan...
MANILA, Philippines — May inisyal na 200 scholarship grants para ngayong taon ang available sa Rizal Memorial College (RMC) Nihonggo Language Center ang nakatakdang magtrabaho sa bansang Japan.
Ito ang inianunsiyo ni Palayan City Mayor Rianne Cuevas at hinikayat ang mga residente ng Nueva Ecija na nagnanais kumita ng malaki sa Japan para sa trabahong caregiving ay mag-aplay lamang sa kanyang tanggapan sa Palayan City para sa mga naturang grants.
Anya, ang caregivers ang isa sa mga ‘most in demand’ na trabaho ngayon sa Japan na may malaking suweldo kaya naisipan nito ang pagbibigay ng Nihonggo scholar.
Sinabi pa ng alkalde, noong Pebrero 28, apat na scholars ng kaniyang Nihonggo Language Training ang nagtungo na sa Japan para magtrabaho at ngayong Marso ay panibagong 10 scholars ang nakatakda na ring magtungo doon.
Nagkaloob ang alkalde ng scholarship sa may 150 Palayanos at Novo Ecijanos para sa libreng Nihonggo training at JLPT fees.
Ang Nihonggo scholarship program ay magsisimula muli ngayong Marso sa Rizal Memorial College Language Center sa Palayan City Business Hub (PCBHL).
Idinagdag pa ng alkalde na ang mga interesadong aplikante ay maaari ring magsumite ng resumes sa Olga Manuel sa PCBH.
- Latest
