14 bayan sa Isabela apektado ng ASF
MANILA, Philippines — Umakyat na sa 34 barangay mula sa 14 na bayan sa lalawigan ng Isabela ang apektado ng African Swine Fever (ASF).
Ayon kay Dr. Angelo Naui, Provincial Veterinarian ng lalawigan pinakahuling naapektuhan ang mga hog raisers mula sa Barangay Mambabanga sa bayan ng Luna at Barangay Ramos West sa bayan ng San Isidro.
Ang iba pang mga bayan na unang naapektuhan ng ASF ay kinabibilanvan ng Quezon, Quirino, Mallig, Jones, Aurora, Roxas, San Manuael, Gamu, Cordon, Mercedes, Echague at San Pablo.
Matapos pumutok ang kaso ng ASF sa lalawigan ay umabot na rin sa kabuuan na 1,611 ang mga baboy na isinailalim sa culling ng mga awtoridad.
Pinayuhan din ang mga hog raisers sa mga nabanggit na bayan na huwag munang mag alaga ng baboy hanggat hindi naidedeklarang ASF free ang nasabing mga barangay.
Mahigpit pa rin ang ipinapatupad na lock down sa bayan ng Bayombong sa lalawigan ng Nueva Vizcaya at Solana sa lalawigan naman ng Cagayan para hindi na kumalat ang ASF sa iba pang mga bayan sa mga nasabing lalawigan.
- Latest
