Nangotong sa 2 negosyante, todas sa shootout
MANILA, Philippines — Dead on the spot ang isang 46-anyos na si Stanley Bernisca Veloso, miyembro ng criminal gang matapos na makipagbarilan sa mga pulis sa ginawang entrapment operation nang ireklamo ng dalawang negosyante nang pangingikil sa Sitio Indang, Brgy. Tapayas, Balatan, Camarines Sur kamakalawa ng hapon.
Sa ulat, bago nangyari ang shootout,alas-3:00 ng hapon ay inilatag ng mga tauhan ng Camarines Sur Police Mobile Force Company at Balatan Police ang entrapment operation laban kay Veloso na nagpapakilalang kasapi ng Bragais Criminal Gang makaraang ireklamo nang pangingikil ng tig-50 libong piso at humihingi pa ng baril sa mga negosyanteng sina Ruben Brasos at Gigie Cuarto-Bermido, kapwa residente ng Brgy.Duran.
Dahil sa takot ay pumayag ang dalawang negosyante at napagkasunduan na ilalagay ng mga biktima ang pera at baril sa tabi ng kalsada ng barangay.
Nang pulutin ng suspek ay nagsilabasan ang mga operatiba, pero nanlaban ito at nakipagputukan dahilan para masawi.
- Latest