Mayor Belmonte niresolba ang basurang plastic
MANILA, Philippines — Matatapos na ang problema sa plastic na basura sa Quezon City makaraang buksan ng lokal na pamahalaan sa pamamagitan ng Small Business and Cooperatives Development Promotions Office (SBCDPO) ang unang refilling station na tutulong na maresolba ang plastic pollution sa lungsod.
Inilunsad ng SBCDPO ang “Bring Your Own Bote (BYOB) Store” na isang zero-waste facility na kung saan ang mga lungsod ang magdadala ng kanilang sariling reusable bottles na maaaring makapag-refill ng condiments tulad ng suka, toyo at langis.
Ang BYOB store na gawa sa eco-bricks ay nailunsad sa pakikipag-tulungan ng NutriAsia Inc. at ng QC Environment Protection and Waste Management Department.
Una nang naaprubahan ni Mayor Joy Belmonte ang Ordinance No. 2876 na nagbabawal sa paggamit at distribution ng single-use plastics at iba pang disposable materials partikular sa mga restaurants at hotels upang hindi na ito makadagdag sa basura na sanhi ng mga pagbaha at pagsara ng mga estero at kanal.
- Latest
