Barangay execs. binigyan ng 75-araw ng DILG
Para alisin ang sagabal sa kalsada...
MANILA, Philippines — Para alisin ang lahat ng sagabal sa kalye sa kani-kanilang nasasakupan ay binigyan ng DILG ng 75-araw ang mga barangay executives.
Sinabi ni DILG Sec. Eduardo Año, ang sino mang mabibigo na sumunod sa kanyang memorandum circular 2020-027 ay papatawan ng kasong administratibo.
Kabilang sa pinapaalis sa lahat ng obstruction ay ang tertiary roads, secondary at primary road.
Nabatid na iisyuhan nila ng show cause order ang sino mang local chief executives na mabibigong sumunod sa kanyang memo.
Maalala na noong July 2019 sa ikaapat na State of the Nation Address (SONA) ng Pangulong Rodrigo Duterte ay inihayag na kailangan bawiin ang mga kalsada na ginagamit ng mga vendor at paradahan ng sasakyan upang mapaluwag ang daloy ng trapiko.
Unang nagbigay ng 60-araw ang DILG sa mga alkalde na tumupad naman at ngayon ay 75-araw ang ibinigay na taning sa mga barangay official.
- Latest
