Preventive measures sa mga taga Tarlac, tiniyak
Pag-quarantine sa 30 Pinoy mula Wuhan sa Athlete’s Village...
MANILA, Philippines — Kasado na ang mga preventive measures sa Athletes’ Village sa New Clark City, Capas, Tarlac, kung saan dinala ang 30 Pinoy na iniuwi ng bansa mula sa Wuhan, China upang i-quarantine ng 14-araw at matiyak na wala silang taglay na 2019 novel coronavirus acute respiratory disease (2019-nCoV ARD).
Ito ang tiniyak ni Department of Interior and Local Government (DILG) Secretary Eduardo Año matapos ang pagtutol ng lokal na pamahalaan ng Capas sa pagpapagamit ng New Clark City sa mga naturang repatriates, sa pangambang kumalat ang naturang virus sa kanilang lugar.
Pinawi rin ni Año ang pangamba ng mga residente ng Capas dahil ginagawa naman aniya ng medical team ang lahat ng protective measures upang matiyak na hindi kakalat ang virus.
Masusi rin isinailalim sa screening ang mga Pinoy bago sila tuluyang pinauwi ng Pilipinas upang matiyak na wala silang sakit.
Linggo ng umaga ng dumating ang mga Pinoy sa Clark Airport at kaagad na idiniretso sa Athlete’s Village upang i-quarantine laban sa nCoV.
- Latest