215 na ang PUIs sa nCoV
MANILA, Philippines — Umakyat na sa 215 ang bilang ng mga itinuturing na patients under investigation(PUIs) sa 2019 novel coronavirus ng Department of Health (DOH).
Sinabi ni Health Undersecretary Eric Domingo sa 215 na itinuring na PUIs, 57 ang nag-negatibo sa 2019-nCoV. Habang hinihintay pa ang resulta sa pagsusuri sa 155 iba pa.
Nabatid na mayroong 9 na tumangging magpasailalim sa quarantine sa ospital na pawang dayuhan dahil sa natatakot umano silang malaki ang bayaran nila sa bill.
Nakikipag-ugnayan na ang DOH sa LGUs para kumbinsihin ang 9 na magpatingin sa ospital.
Nananatiling tatlo ang kumpirmadong kaso ng novel coronavirus sa bansa kung saan isa ang nasawi na isang Chinese.
- Latest