Galunggong lalagyan ng SRP
MANILA, Philippines — Isinama na ang isdang galunggong na lalagyan ng Department of Agriculture ng suggested retail price (SRP).
Ito ang sinabi ni Agriculture Secretary William Dar nang pumalo na sa P240 hanggang P260 ang presyo ng kada kilo ng galunggong sa mga palengke mula sa dating P160 hanggang P180 kada kilo.
Anya, hindi dapat umabot ng P200 ang kilo ng galunggong dahil sapat ang suplay nito sa merkado at tapos na ang “close season” ng galunggong noong Enero.
Magugunita na noong Oktubre 2019 hanggang Enero 2020 ay pinagbabawal ang panghuhuli ng isdang galunggong sa karagatan upang mabigyang daan ang pagpapadami ng kanilang bilang.
Plano ni Dar na kanselahin ang importasyon ng may 18,000 metric tons ng imported na galunggong mula China at Vietnam dahil tapos na ang “close season”.
- Latest
