Pinoy workers sa China ililikas ng PNP
MANILA, Philippines — Nasa 105 officers at personnels ng Philippine National Police na nakatalaga sa Chemical, Biological, Radiological, Nuclear and Explosives (CBRNE) na tutulong sa paglilikas ng mga Overseas Filipino Workers (OFW) sa China sanhi ng paglaganap ng 2019 novel coronavirus (nCoV) sa nasabing bansa.
Sinabi ni PNP Chief Police General Archie Gamboa, na ang CBRNE personnel ay mula sa SAF (Special Action Force), Health Service, Crime Lab at EOD-K9 na minomobilisa alinsunod sa kautusan ni Pangulong Rodrigo Duterte sa binuong Inter-Agency Task Force.
Sinabi ni Gamboa na ang mga CBRNE trained medical personnels mula sa PNP Health Service ay tutulong sa mga kinauukulang ahensya para sa paglilikas ng mga Pinoy OFWs sa China at iba pang mga bansa na apektado ng 2019 nCoV.
Inihayag ni Gamboa na ang mga doktor sa PNP at maging sa AFP ay inihanda na rin sakaling kailanganin para makontrol ang pagkalat ng nCoV.
- Latest
