Quezon City road crash: 1 patay, 5 sugatan
MANILA, Philippines — Namatay noon din ang biktimang si Antonio Abejuro Sr., 77, na nakatira sa No.2 Road 7 Street, Barangay Bagong Pagasa, Quezon City, habang nasugatan ang limang bystander nang sila ay salpukin ng isang Innova sa tapat ng isang kilalang mall sa Edsa, Quezon City, kahapon ng madaling araw.
Kinilala ang mga nasugatan na sina Gerald Angeles, 27, call center; Eraquivic Celocia, 28, waiter; Christian Paul Domalin, 27, waiter; Kiervin Dela Cruz, 25, call center agent; at Antonio Abejuro, Jr, 35.
Sa ulat, alas-3:25 ng madaling araw ay nag-aabang ng masasakyan sa tapat ng SM North Edsa ang mga biktima nang sila ay araruhin ng Innova (ZAM-896) na minamaneho ng suspek na si Ivan Matthew Navarro, 21, estudyante nang ito umano ay mawala ng kontrol sa manibela.
Tumalsik ang matanda at nagtamo ng matinding pinsala sa ulo at katawan na nagresulta ng kanyang agarang kamatayan habang ang ibang nasugatan ay mabilis na isinugod sa pagamutan.
- Latest