Dinukot na car agent pinatay ng 2 buyer
MANILA, Philippines — Pinatay ng dalawang nagpanggap na buyer ang isang buy and sell car agent na si Manuel Tolentino na ang bangkay ay natagpuan kahapon ng umaga sa madamong bahagi ng Coastal Bay Subdivision, Brgy. San Rafael 4, Noveleta, Cavite.
Agad naman naaresto sa isang follow operation ang dalawang suspek na kinilalang sina Mahdie Manhotara alyas Justine at Edgardo Del Rosario na nakakulong sa Cavite-CIDG.
Sa imbestigasyon, noong Enero 21, dakong ala-1:30 ng tanghali nang katagpuin ng biktima sa Imus, Cavite ang dalawang suspek na nagpakilalang mga CIDG na bibilhin ang ibinebentang Toyota Hilux ng kanilang ini-road test at simula noon ay hindi na natagpuan ang biktima.
Humingi ng tulong ang pamilya ng biktima sa CIDG-Cavite hanggang sa ma-locate ang sasakyan ng biktima na nagresulta sa pagkakaaresto ng dalawang suspek na umamin na binaril ng nakaposas at nakapiring ang biktima at itinapon ang bangkay sa nasabing lugar.
Ang dalawang suspek ay kinasuhan ng murder, carnapping at usurpation of authority.
- Latest
