Yorme ibinalik ang dating media office sa Manila City Hall
MANILA, Philippines — Bilang pagpapahalaga sa mainstream media na katuwang sa mabuting pamamahala ng lungsod, binuhay ni Manila Mayor Isko Moreno ang tanggapan ng Manila City Hall Reporters’ Association (MACHRA) na ipinasara sa loob ng 6 na taon ng nakalipas na administrasyon.
Pinangunahan ni Moreno ang inaguration at blessing ng MACHRA office kasama si Fr. Joel Rescober at secretary to the mayor Bernie Ang, ang tumayong advisor ng grupo simula nang itatag ito noong 1988.
Ikinatuwa naman ito ng mga opisyal at miyembro na kinabibilangan ni Itchie G. Cabayan (People’s Tonight), President; Andi Garcia (Police Files Tonite) Vice-Pres.; Ludy Bermudo (Pilipino Star Ngayon/PM), Secretary; Juliet De Loza-Cudia (Abante/AbanteTonite), Treasurer; Mylene Alfonso (Bulgar), Auditor; Verlin Ruiz (Pilipino Mirror), Chairman of the Board; at mga director na sina Jerry Tan (People’s Journal), Pat Santos (Tribune), Jhun Anzures (DWAD), Mary Ann Santiago (Balita).
- Latest