African national, 2 pa timbog sa P13.6 milyong shabu

MANILA, Philippines — Isang African national na umano’y miyembro ng West African Drug Syndicate (WADS) at dalawang kasamang Pinoy ang naaresto ng mga otoridad sa isang drug buy-bust operation sa Bacoor City, Cavite, kamakalawa ng gabi.

Ang suspek ay kinilalang si Kingsley Osita Escobi, naninirahan sa Blk 7, Lot 30, Brgy. Buhay na Tubig, Imus City; Robert Capoy Benamir; at Diomedes Nartes Gonzales.

Sa ulat, alas-10:30 ng gabi nang isagawa ang buy-bust ng mga otoridad sa 3 M’s Resto na nasa Coastal Road, Brgy. Talaba 2, Bacoor, Cavite.

Hindi na nakapalag pa ang mga suspek nang lu­mabas ang mga ope­ratiba sa gitna ng transaksiyon at nakuha sa kanila ang mga pakete ng mahigit kumulang sa dalawang kilo na shabu na nagkakahalaga ng P13,600,000.