Mag-asawang matanda sa Cebu, itinumba sa bahay

MANILA, Philippines — Kapwa nasawi noon din ang isang mag-asa­wang senior citizen nang pagbabarilin ng hindi pa nakilalang mga nakamaskarang salarin na pumasok sa kanilang bahay, naganap kahapon ng umaga sa Sibonga, Cebu.

Inaalam pa ng pulisya ang pagkakakilanlan ng mga napatay na mag-asawa

Sa ulat, bandang alas-5:00 ng umaga nang pasukin ng mga nakamaskarang salarin ang bahay ng mag-asawa sa Brgy. Bae, Sibonga ng lalawigang ito at walang kaabug-abog na ito ay pagbabarilin.

Nakaligtas sa insidente ang tatlong apo ng mag-asawa na nasa edad 19;11; at 12.

Patuloy ang imbestigasyon ng pulisya sa motibo ng pagpatay sa mag-asawa.