2 todas, 3 sugatan sa ambulansya na nahulog sa sapa

MANILA, Philippines — Namatay ang dalawang katao habang tatlo ang patuloy na inoobserbahan matapos ang sinasakyan nilang ambulansiya ay aksidenteng nahulog sa sapa habang bumabagtas sa kahabaan ng Sitio Ve-ey, Talubin, Bontoc, Mountain Province, kahapon ng umaga.

Ang dalawang nasawi ay kinilalang sina Kurt Akiate at Frankln Angawa, driver ng ambulansya. Habang ang tatlong nasugatan ay kinilalang sina Rexton Duyabat, 20; Nelda Joy Tapyugan, 23 at Annabel Atang, 31.

Sa ulat, bago nangyari ang sakuna, alas -7:50 ng umaga sa tinatayang 150 metrong lalim na sapa sa nasabing lugar ay kasalukuyang bumabagtas ang isang ambulansya (SJS 623) na minamaneho ni Angawa kasama ang apat na pasahero kabilang ang isang pasyente galing sa Hungduan, Ifugao nang mawalan ng kontrol sa manibela ang driver na nagbunsod sa malagim na sakuna.