Mag-utol na nakamotor dedbol sa road test

MANILA, Philippines — Idineklarang dead on arrival sa ospital ang isang magkapatid makaraang banggain ng pampasaherong bus ang kanilang minamanehong motorsiklo sa Quirino highway, Barangay Bagong Silang, kamakalawa ng hapon.

Ang nasawing magkapatid ay kinilalang sina Celso Postre Jr., 35, may asawa; at Christopher Postre, 21, binata at mga residente ng Del Gallego, Camarines Sur.

Sa ulat, ni-road test ni Celso ang bagong biling motorsiklo at iniangkas ang kapatid patungo sa direksyon ng Lucena City, gayunman pagsapit sa kurbada ay tinumbok silang banggain ng kasalubong na AB Liner bus na minamaneho ni Armando Ricarte Jr. ng Lopez, Quezon

Sa lakas nang pagkakabangga ay tumilapon ang magkapatid at una ang ulong bumagok sa kalye.

Nadala pa ang magkapatid sa Ma.Eleazar Memorial District Hospital, subalit nalagutan din ng hininga.