Mister na problemado, nagbaril sa harap ng misis
MANILA, Philippines — Posibleng hindi na umano nakayanan ng isang 57-anyos na mister na isang barangay tanod ang problemang may kinalaman sa pera kung kaya’t nagbaril ito sa harap ng kanyang misis, kamakalawa ng gabi sa Brgy. Salay, San Agustin, Isabela.
Kinilala ang nasawing si Arturo Manuel na nagbaril sa mukha kaharap ang misis.
Sa ulat, alas-10:45 ng gabi sa loob ng kanilang bahay ay umiiyak na umano ang misis at nakikiusap sa mister na noon ay balisa dahil sa problema sa pera na huwag nang ituloy ang pagpapakamatay.
Subalit, hindi nagpapigil ang mister at ipinutok ang gatilyo sa mukha at namatay noon din.
Inaalam ng pulisya kung saan kumuha ng baril ang biktima gayung problemado ito sa pera.
- Latest