Drug bust: Spanish trader napatay

MANILA, Philippines — Napatay ng mga pulis­ ang isang negosyanteng­ Kastila na hinihinalang notoryus na tulak ng co­caine matapos na kumasa­ sa mga operatiba ng pu­lisya nang mauwi sa shootout ang buy bust ope­ra­tion, ka­makalawa sa General Luna, Siargao Island, Surigao del Norte.

Ang napatay na suspek ay kinilalang si Diego­ Lafuente nasa drug watch­list bilang high value target (HVT) ng Caraga Police.

Batay sa ulat, dakong ala-1:50 ng madaling araw nang magsagawa ng buybust operation ang mga otoridad sa bahay ng suspect sa Brgy. 3 ng bayang nabanggit.

Nakipag-deal ang suspek sa poseur buyer at ha­bang nag-aabutan na ng droga ay nakahalata ang suspect na pulis ang kaniyang ka-transaksyon kaya’t agad na binunot ang cal .45 pistol nito at nagpaputok.

Nagmintis sa unang putok ang suspect at mabilis namang gumanti ng putok ang mga kasama­hang pulis ng poseur buyer at napatay ang una.

Bukod sa 10 gramo na nabili ng poseur buyer at P30,000 na buybust mo­ney ay nakakuha pa ng 15 gramo ng cocaine ang pulisya sa nasawing suspect.

Nabatid na si Lafuente ay nag-ooperate ng party house at apparel shop ga­yundin ng isang accommodation business na lahat ay sa bayan ng General Luna.