Magsasaka inutas ng lasing

MANILA, Philippines — Dead on the spot ang isang 53-anyos na magsasaka nang saksakin ng nakasalubong na la­sing habang naglalakad sa Sitio Binaliw, Brgy. Sta. Rosa, San Jacinto, Masbate kamakalawa ng hapon.

Isang saksak sa dibdib ang tumapos sa buhay ng biktimang si Zaldy Almoete Santosidad habang agad na naaresto ang suspek na si Edward Alanib Almojuela, 49, pawang residente ng nasabing barangay.

Sa ulat, alas-5 ng ha­pon ay naglalakad pauwi ng bahay si Santosidad nang masalubong nito ang lasing na si Almojuela at sa hindi malamang dahilan ay sinaksak siya sa dibdib na agad nitong ikinasawi.