MWSS nilinaw ang ‘concession agreements’
MANILA, Philippines — Nagpalabas ng pahayag si Metropolitan Waterworks and Sewerage System (MWSS) Administrator Emmanuel B. Salamat upang linawin ang impormasyon tungkol sa “concession agreement”sa Maynilad Water Services, Inc. (MWSI) at Manila Water Services, Inc. (MWCI) sa mga di-wastong ispekulasyon sa isyu.
Anya, nitong nakaraang Linggo, may mga ginawang aksiyon ang MWSS sa pamamagitan ng kanilang Board of Trustees, kaugnay sa mga naging anunsiyo ng Pangulong Rodrigo Duterte at iba pang ahensiya ng pamahalaan tungkol sa Concession Agreements ng Maynilad at Manila Water.
Sa simula pa lamang aniya ay nilinaw na nila na ang “subsisting contract” na 25 taon ng Concession Agreements na nagsimula noong 1997 sa Maynilad at MWCI ay umiiral pa rin at sa taong 2022 pa magtatapos.
Ang MWSS Board Resolution No. 2019-201-CO na may petsang December 9, 2019, ay pinapawalang bisa lamang ang dating Board Resolution No. 2009-72 na may petsang April 16, 2009 para sa ‘extension period’ mula 2022 hanggang 2037 ng Manila Water Company and Board Resolution No. 2009-180 na may petsa naming September 10, 2009 para rin sa ‘extension of concession period’ mula 2022 hanggang 2037 ng Maynilad Water Services, Inc.
Dahil sa mga naging deklarasyon ukol dito ng pamahalaan ay inatasan ng MWSS ang muling pagnenegosasyon ng Concession Agreements sa Manila Water at Maynilad upang alisin ang ‘llegal and onerous provisions’ at madetermina.
- Latest
