Trader pumalag sa holdap, binoga
MANILA, Philippines — Isang negosyante ang malubhang nasugatan makaraan itong pagbabarilin ng hindi pa nakilalang riding in tandem nang pumalag sa holdap naganap kamakalawa sa highway ng Brgy. San Jose, Aurora, Zamboaga del Sur.
Ang biktima ay kinilalang si Dannis Ceniza, 54 may-asawa, residente ng Burgos St., Purok Madasigon, Brgy. Poblacion, Aurora, Zamboanga del Sur.
Sa ulat, kasalukuyang lulan ng kulay pula at itim na motorsiklong Honda ang biktima kasama ang misis nitong si Imelda Ceniza, 48 nang harangin ng armadong riding in tandem pagsapit sa lugar.
Dito ay puwersahang kinuha ang bag ng kaniyang misis na naglalaman ng P500,000 na puhunan ng mga ito sa kanilang negosyo at nang tangkang pigilan ng biktima ay pinagbabaril ito ng mga holdaper.
Nagtamo ang biktima ng mga tama ng bala ng cal. 45 pistol sa iba’t ibang bahagi ng katawan na isinugod sa Aurora Community Emergency Hospital sa Aurora, Zamboaga del Sur kung saan patuloy ang mga itong inoobserbahan.
- Latest