Tuldukan ang mahal at maruming enerhiya
MANILA, Philippines — Nagsagawa ng kilos protesta ang mga Progressive Women’s Group upang himukin ang pamahalaan na tuldukan ang mahal at maruming enerhiya sa bansa.
Nagdala sila ng tigka-kalahating pagkain na pang-noche buena na kadalasang inihahain ng mga Pinoy at tanging kahilingan nila o Christmas wish sa Pangulo ay huwag nang pahintulutan pa ang pagtatayo ng maruming enerhiya gaya ng mga ‘coal power plants’ sa bansa.
Sinabi ni Oyette Zacate, tagapagsalita ng Progressive, ang ibinigay na kalayaan sa pribadong korporasyon ay nagresulta sa pagkakaroon ng maruming sektor sa enerhiya at naging prayoridad pa ang kikitain kesa sa ipagkakaloob na serbisyo.
Hinikayat ni Gerry Arances, Convenor ng Power for People Coalition (P4P) ang gobyerno na huwag hayaan sa pribadong korporasyon at akuin ang kahihinatnan ng mga ‘bid’ upang matiyak na hindi makasisira sa kalikasan, kalusugan at abot kaya ang halaga ng pamilyang Pilipino ang bayarin sa elektrisidad.
- Latest