Buy-bust: Pusher utas
MANILA, Philippines — Hindi na umabot ng buhay ang drug suspek na si Henry Bargamento, alyas Toto, nasa 35-40, residente sa isang barung-barong sa tabi ng estero ng Fugoso St., Sta. Cruz, Maynila matapos umanong manlaban sa isinagawang drug buy-bust operation, kamakalawa ng alas-2:35 ng hapon.
Sa ulat, nagsagawa ng operasyon laban sa suspek ang Station Drug Enforcement Unit (SDEU) at nakabili ang poseur buyer ng halagang P200 shabu, sa hindi kalayuan ay nakaantabay ang mga kasamahang operatiba.
Natunugan ng suspek na may mga kasama ang poseur buyer kaya nagtatakbo sa barung-barong na nauwi sa habulan hanggang sa magtago sa loob ang suspek, subalit sinalubong umano ng mga putok ang mga pulis.
Gumanti ang mga pulis ng putok na ikinasugat ng suspek na bagama’t nadala sa ospital ay namatay din ito.
Narekober sa crime scene ang 9 MM na baril ng suspek at 8 sachet ng shabu na may timbang na 5.7 gramo.
- Latest
