Lady drug pusher tiklo sa P3.2-M shabu

MANILA, Philippines — Isang High Value Target (HVT) na babaeng drug pusher ang nadakip ng mga otoridad sa isang buy-bust operation at nakumpiska rito ang nasa P3.2-M halaga ng shabu sa Brgy. 3, Bacolod City, Negros Occidental, kamakalawa ng gabi.

Kinilala ang nasakoteng suspek na si Arlene Arnaiz, 26, dalaga at residente ng Purok Tilapia, Brgy. 3 ng lungsod na ito.

Sa report ng Police Regional Office (PRO) 6, bago naaresto ang suspek bandang alas- 6:50 ng gabi sa Purok Liso, Brgy. 3 ay isinailalim ito sa masusing surveillance operation bago isinagawa ang drug buy-bust operation nang nakipag-deal ang poseur buyer sa suspek na bibili ng droga at inaresto ito sa aktong iniaabot ang isang malaking plastic sachet na naglalaman ng shabu.