Duterte gabi-gabing ipinagdarasal ang bayan
MANILA, Philippines — Ibinunyag kahapon ni Pangulong Rodrigo Duterte sa exclusive interview ng programang Unang Hirit na gabi-gabing ipinagdarasal ang bayan at hindi na siya humihingi para sa kanyang sarili.
“Yes, for my country. Wala na akong hinihingi pa para sa akin,” wika ni Pangulong Duterte
“Ako, hindi na ako nagdarasal para sa sarili ko, para sa bayan ko lang,” dagdag ng Pangulo.
Magugunitang umani ng kritisismo ang Pangulo dahil sa pagmumura nito sa mga pari ng Simbahan at pagbubulgar sa dinanas na pagmomolestiya ng pari noong kanyang kabataan.
Lalong uminit ang kritiko sa Pangulo ng tawagin niyang ‘stupid God’.
Subalit, inilarawan ng Pangulo ang kanyang sarili bilang ‘religious person’ na ginagamit na gabay araw-araw ang Bibliya.
- Latest