4 miyembro ng Panday Sining, inaresto sa bandalismo
MANILA, Philippines — Inaresto ng mga otoridad ang apat na miyembro ng Panday Sining matapos mahuling nagba-bandalismo sa isang plaza habang ginugunita ang kaarawan ni Gat Andres Bonifacio, kamakalawa.
Ang mga inaresto ay kinilalang sina Jeanne Vaughn Nico Quijano, 24; Joven Francis Laura, 24, post graduate student ng Dela Salle University; Mijhail Collado,18, binata, 4th year college student ng St.Benilde at isang menor de edad, pawang nakatira sa #864 Tres Marias St., Blumentritt kanto ng España St., Sampaloc, Maynila.
Sa imbestigasyon ng MPD-General Assignment and Investigation Section (MPD-GAIS), alas-5:30 ng hapon nang arestuhin ang apat sa kahabaan ng Plaza del Carmen St., sa harapan ng San Sebastian St., sa aktong nagba-vandal sa poste ng LRT sa kahabaan ng Recto Avenue.
Nang sila ay huhulihin ng mga operatiba ay nanlaban ang mga ito at itinulak pa ang mga operatiba kaya sila ay dinala sa presinto upang maimbestigahan.
Ang mga suspek ay mahaharap sa kasong Malicious Mischief, R.O. 797 (Resisting Arrest) & R.O. 1600 (Interferring Police Duties).
- Latest