Pulis dedo sa granada, suspek napatay
MANILA, Philippines — Patay ang pulis na si P/Master Sergeant Jason Magno na nasabugan ng granada na ihahagis ng suspek na si Ebrahim Ampaso Basher, 65 ng Madamba, Lanao del Norte sa loob ng isang school campus na ikinasugat ng 11 katao na karamihan ay mga estudyante kahapon ng tanghali sa Initao, Misamis Oriental.
Batay sa report, bago nangyari ang pagsabog, dakong alas-11:20 ng tanghali ay nag-amok ang suspek na si Basher sa sa nasabing kolehiyo na matatagpuan sa Brgy.Jampason, Initao ng lalawigang ito.
Nagresponde ang mga operatiba ng pulisya sa pangunguna ni Police Lt. Ruel Litiratus kung saan habang tinatangka ni Magno na agawin ang granadang ihahagis ay sumabog ito na kung saan ay namatay ito.
Nabaril naman ng mga kasamahang parak ni Magno ang suspek na siya nitong ikinasawi.
Itinuturing ng mga mamamayan sa Misamis Oriental na bayani si Magno sa ginawa nitong pagsakri-pisyo sa sarili upang iligtas sa pagsabog ang granada na ihahagis ng suspek sa mga estudyante ng Initao College.
- Latest