DOH minomonitor ang 3 kaso ng polio sa Mindanao
MANILA, Philippines — Kasalukuyang minomonitor ng Department of Health (DOH) ang tatlong bagong kaso ng polio sa Mindanao.
Ito ang sinabi ni Department of Health (DOH) Undersecretary at Spokesperson Eric Domingo at hihintayin pa muna nila ang resulta ng pagsusuri sa tatlong suspected polio cases bago magbigay ng karagdagang detalye sa publiko.
Iniulat din niya na sa pinakahuling datos ng DOH ay nasa apat na ang confirmed cases ng polio sa buong bansa.
Tiniyak din ni Domingo na tuluy-tuloy ang immunization program ng DOH, hindi lamang sa Mindanao kung saan may mga kumpirmadong kaso ng polio, kundi sa iba pang bahagi ng Pilipinas.
Nakatakda ang ikalawang bugso ng immunization o Sabayang Patak Kontra Polio sa Metro Manila at Mindanao.
Umapela muli si Domingo sa mga magulang na pabakunahan ang kanilang mga anak upang makaiwas sa mga sakit, gaya ng polio.
- Latest
